#WeAreMatrici. Lantalde bat baino gehiago

Matricen egin ditudan 30 urte baino gehiagoan, enpresako zenbait arlo teknikotako ezagutzak neureganatzeko aukera izan dut. Trebezia horiei eta nire lankideen eskarmentuari esker, hainbat erronka zoragarriri aurre egin ahal izan diet.

Proiektuen erritmoak, bai eta gure bezeroen aniztasun kultural eta nazioartekoak ere, egun bakoitza erronka berri bat bihurtzen dute. Bezeroengana eta lorpenetara bideratuta egoteak baldintzatzen du gure eguneroko jardunaren bilakaera.

Matriciren DNAn daude automobilgintzaren sektorearen etengabeko bilakaera eta, berrikuntzaren bitartez, materialetan, prozesuetan eta teknologietan aurrea hartzeko gaitasuna. Jakin-minak eta ikerketarako bokazioak datorrenari aurrea hartzen lagundu digute urte hauetan zehar, bai eta etorkizuneko erronketarako prestatzen ere.

Kudeaketaren gardentasuna funtsezko balioa da, eta kontu handiz lantzen dugu. Gure bezeroek eta langileek gure produktuen aurrerapen-egoera, programazioa eta fabrikazio-planak modu argian eta errazean ezagutzeko aukera dute, eta horrek erakundea bere helburuen lorpenean bat eginda egotea ekartzen du, guztiok norabide berean borroka egitea lortzeaz gain.

Bezeroengan integratuta egoteak (elkarrekin garatzeko bide gisa), balio erantsi handiko harremanak sortzeak eta transferentzia teknlologikoek lagundu egiten digute automobilgintzak ekarriko dituen etorkizuneko erronkak aurreikusten, bai eta gure enpresa bideratzen ere, bihar gure bezeroek izango dituzten arazoei irtenbidea emateko.

Proiektuetan sortzen diren egoera konplexuek elkarreraginean aritzen diren lantaldeak sortzen dituzte bezeroen beharren inguruan, erantzun efizienteena emateko une bakoitzean. Kalitatean eta epeak betetzean jarri behar dugun arreta alboratu gabe, talde-lanari esker, irtenbide integralak proposa daitezke, sortzen diren egoerei aurre egiteko. Horrela, aberastu egiten gara profesional gisa, lantaldeko kideen ikuspegi desberdinak integratzen baititugu.